လက်နက်တွေကို ချင်းမိုင်ခရိုင် မဲ့တဲန်နယ်စပ်၊ မဲ့ဟောင်ဆောင် နယ်စပ် နဲ့တာ့ခ်ခရိုင်၊ မဲဆောက် နယ်စပ်ကနေ မြန်မာနိုင်ကို သယ်ဆောင်ခဲ့တာဖြစ်ပါတယ်လို့ ထိုင်းရဲ တပ်ဖွဲ့ ကိုကိုးကားပြီး မန်နေဂျာအွန်လိုင်း ထိုင်းသတင်းဌာနက ဇူလိုင်လ ၂၅ ရက် မှာ ရေးသား ဖေါ်ပြ ထားပါတယ်။
TigerArms ကုမ္ပဏီကခေါင်းဆောင်တချို့ နဲ့ထိုင်းနိုင်ငံသားမစ္စတာချိုင်းဖုန်း ကျစ်တကောန်ဆိုသူကိုလည်းဖမ်းဆီးနိုင်ခဲ့တာ ဖြစ်တယ်လို့ ထိုင်းရဲတပ်ဖွဲ့ကပြောပါတယ်။
ဖမ်းဆီးထားတဲ့အထဲမှာ TigerArms ကုမ္ပဏီက ခေါင်းဆောင်တချို့ပါဝင်တယ် ဆိုပေမဲ့ ဘယ်သူဘယ်ဝါဖြစ်တယ် ဘယ်နှစ်ဦးကိုဖမ်းဆီးထားတယ်ဆိုတာကိုတော့ ထုတ်ဖေါ် ပြောကြားခြင်းမရှိပါဘူး။
လက်နက်ငယ် M4A1 ကာဘိုင်အများအပြား နဲ့ 79 မမ. ဗုံးသီးထည့်ပစ်ရတဲ့ M203 ပြောင်းတွေအပါအဝင် အနောက်တိုင်း စစ်သုံး နားကြပ်များ၊ စစ်ဦးထုပ်၊ ကင်မရာ၊ အပူပိုင်းပုံရိပ်ဖော်ဒရုန်းနဲ့ကျည်ဆံ ခဲယမ်းမီးကျောက်များလည်းသိမ်းဆီးရမိခဲ့တယ်လို့ ရဲတပ်ဖွဲ့ကတာဝန်ရှိသူတွေပြောပါတယ်။ အရေအတွက်အတိအကျကိုတော့ထုတ်ဖေါ် ပြောကြားခြင်းမရှိပါဘူး။
မြန်မာနိုင်ငံအစိုးရကို ဆန့်ကျင် တိုက်ခိုက်နေနဲ့ ပြည်သူ့ကာကွယ်ရေးတပ်ဖွဲ့ (PDF) နဲ့ ကရင်အမျိုးသားအစည်းအရုံး (KNU) တို့ကိုအများဆုံးပေးပို့ခဲ့တာဖြစ်တယ်လို့ TigerArms ကုမ္ပဏီကအဖမ်းခံရတဲ့ သူတွေကပြောကြားကြောင်းနဲ့ ၂၀၂၀ ပြည့် နှစ်က စပြီး တရားမဝင်လက်နက် မှောင်ခိုတွေကို အကြိမ်များစွာ သယ်ယူခဲ့ပြီးဖြစ် ကြောင်း အဖမ်းခံရသူတွေက ဝန်ခံပြောကြားခဲ့ကြောင်းကိုလည်း ရဲတပ်ဖွဲ့ကတာဝန်ရှိသူ တွေက သတင်းထောက်တွေကို ထုတ်ဖေါ်ပြောကြားသွားပါတယ်။
အခုဖမ်းဆီးရမိတဲ့လက်နက်တွေဟာ အမေရိကန်က ထုတ်လုပ်တဲ့ လက်နက်တွေဖြစ်ကြောင်းကိုလည်း ထိုင်းရဲတပ်က ပြောကြားပါတယ်။
Tiger Arms ကဲ့သို့သော လက်နက်ကုမ္ပဏီများသည် အမေရိကန် CIA နှင့် အစ္စရေး၏ မော့ဆက်တို့က ထိန်းချုပ်ထားသော ရှုပ်ထွေးသော နောက်ခံရှိကြောင်း လျှို့ဝှက်အစီရင်ခံစာများက ဖော်ပြကြပြီး အဓိကအားဖြင့် နယ်စပ်ဖြတ်ကျော် လက်နက်ရောင်းဝယ် ဖောက်ကားမှုတွင် ပါဝင်ပတ်သက်နေကြောင်း သိရှိရတယ်လို့လည်း မန်နေဂျာအွန်လိုင်း ထိုင်းသတင်းဌာနကရေးသားဖေါ်ပြထားပါတယ်။
